«Shahtyor» bosh murabbiyi Arda Turan jamoasining Chempionlar ligasi asosiy bosqichidagi bo‘lajak starti haqida o‘z fikrlarini bildirdi.

«Bizning maqsadimiz va orzuyimiz — Chempionlar ligasi asosiy bosqichining eng yaxshi 24 ta jamoasi qatoridan joy olish. Kechagina terma jamoalar tanaffusigacha, sentyabr oyi oxirigacha bo‘lgan rejani tuzayotgan edik va sizni ishonchingiz komil bo‘lsinki, jadvalda hatto uxlash uchun ham vaqt kam. Shunga qaramay, birinchi navbatda urush sharoitida yashashda davom etayotgan insonlar uchun bor kuchimizni berishimiz kerak — bu biz qila oladigan yagona narsa. Bu bizning orzuyimiz va bu haqiqatan ham oson bo‘lmaydi, loaqal o‘z uy uchrashuvlarimizni qadrdon uyimizdan minglab kilometr uzoqlikda o‘tkazishimizga to‘g‘ri kelayotgani sababli.

Ishonch bilan ayta olamanki, agar «Donbass-Arena»da o‘ynaganimizda, kuchli sakkiztalikda faoliyatimizni yakunlashni maqsad qilgan bo‘lardim. Mezbon tribunalarning qo‘llab-quvvatlashi raqibimizga qanday sur’at bag‘ishlaganini ko‘rish imkoniyatiga ega bo‘ldingiz. «Karpati»ni ishqibozlari so‘zning yaxshi ma’nosida oldinga undashdi va bu ularga foyda keltirdi. Biz uchun asosiy maqsad — Ukrainani Chempionlar ligasida munosib himoya qilish.

Muayyan darajada mening futbolchilarim hali ham men idealda ko‘rishni xohlagan darajada tayyor emas: bizga to‘pga birinchi teginish realizasiyasining yetarlicha sifati yetishmayapti, shuningdek, yakuniy bosqichda ortiqcha murakkablashtirib yubormoqdamiz. Buni mukammallashtirishimiz kerak. Mening futbolchilarimning salohiyatiga shubham yo‘q. O‘tgan mavsumda ular o‘z yelkalarida chempionlik unvonini ko‘tarib chiqishdi va ularning har biri mavsum davomida ham UPL, ham Yevropa turnirlarida 20 tadan o‘yin o‘tkazdi. Shu bilan birga, ularda har uch kunda o‘ynash va qiyin g‘alabalarga erishish tajribasi bor edi. Men ularga ishonishda davom etaman va bu ishonch o‘z mevasini berishiga va ular barchamizga quvonch bag‘ishlay olishiga aminman», — dedi Turan.