«Barselona» himoyachisi Erik Garsiya Ispaniya chempionatida «Valensiya»ga qarshi o‘tgan va 5:0 hisobida yakunlangan uchrashuvda burnini sindirib oldi. Bu haqda Sport.es xabar berdi.

Hodisa 25-daqiqada sodir bo‘ldi. Jarima maydonidagi kurash paytida «Barselona»ning yangi futbolchisi Rodri beixtiyor Garsiyaning yuziga peshonasi bilan zarba berib yubordi. O‘sha vaziyatda 25 yoshli himoyachi jamoadoshining orqasida turgan edi.

To‘qnashuvdan keyin Garsiyaning burnidan qon ketdi va u o‘yinni davom ettira olmadi. Murabbiylar shtabi darhol almashtirish amalga oshirdi va uning o‘rniga Jyul Kunde maydonga tushdi.

Tibbiy tekshiruvlar Garsiyaning burni singanini tasdiqladi. Hozirda klub shifokorlari futbolchiga jarrohlik amaliyoti zarur yoki yo‘qligini baholamoqda.

Bu Garsiyaning birinchi bunday jarohati emas. U 2025 yil noyabr oyida Chempionlar ligasida «Bryugge»ga qarshi o‘yinda ham burnini sindirib olgan edi. O‘shanda jarrohlik amaliyoti talab qilinmagan.

2026/27 yilgi mavsumda Erik Garsiya «Barselona» safida 3 ta o‘yin o‘tkazdi va gol yoki golli uzatma qayd etmadi.