"Real"ning 19 yoshli vingeri Yan Diomande Chempionlar ligasining umumiy bosqichi 1-turidan o‘rin olgan "Inter"ga qarshi uchrashuvni asosiy tarkibda boshlashi kutilmoqda. AS nashri ma’lumotiga ko‘ra, Joze Mourinyo yosh futbolchiga imkoniyat berishga tayyor.
Diomande Madrid klubiga kelganidan buyon hali biror marta asosiy tarkibda maydonga tushmadi. U "Real" safida dastlabki to‘rtta uchrashuvida jami 83 daqiqa harakat qildi. Mourinyo esa futbolchini jamoaga bosqichma-bosqich moslashtirish tarafdori ekanini bildirib kelmoqda.
Shu bilan birga, madridliklar ustozi Diomandening salohiyatini yuqori baholaydi. AS ma’lumotiga ko‘ra, murabbiy 19 yoshli futbolchining iqtidoriga ishonadi, ammo unga bosim o‘tkazmasdan, rivojlanishi uchun vaqt berishni istamoqda.
"Real" va "Inter" o‘rtasidagi Chempionlar ligasi bahsi 8 sentyabr kuni "Santyago Bernabeu"da bo‘lib o‘tadi.
