"Реал"нинг 19 ёшли вингери Ян Диоманде Чемпионлар лигасининг умумий босқичи 1-туридан ўрин олган "Интер"га қарши учрашувни асосий таркибда бошлаши кутилмоқда. AS нашри маълумотига кўра, Жозе Моуриньо ёш футболчига имконият беришга тайёр.
Диоманде Мадрид клубига келганидан буён ҳали бирор марта асосий таркибда майдонга тушмади. У "Реал" сафида дастлабки тўртта учрашувида жами 83 дақиқа ҳаракат қилди. Моуриньо эса футболчини жамоага босқичма-босқич мослаштириш тарафдори эканини билдириб келмоқда.
Шу билан бирга, мадридликлар устози Диоманденинг салоҳиятини юқори баҳолайди. AS маълумотига кўра, мураббий 19 ёшли футболчининг иқтидорига ишонади, аммо унга босим ўтказмасдан, ривожланиши учун вақт беришни истамоқда.
"Реал" ва "Интер" ўртасидаги Чемпионлар лигаси баҳси 8 сентябрь куни "Сантьяго Бернабеу"да бўлиб ўтади.
