«Tottenxem»ning sobiq futbolchisi va bosh murabbiy yordamchisi Gustavo Poyet klubning Mixail Mudrikni ijaraga olganiga munosabat bildirdi.

«Bu katta tavakkal. U juda o‘ziga xos futbolchi ekani ham xavfni oshiradi. Mudrikning bitta yaqqol ustunligi bor — tezlik, shunchaki aql bovar qilmas darajadagi tezlik. Agar uning o‘yinida shu jihat ish bermasa, hammasi tugaydi.

Futbolchi ikki yil o‘ynamagan bo‘lsa, jarohat oladimi yoki yo‘qmi, bilmaymiz. Odatda, bunday futbolchilar sonning orqa qismi mushaklaridan jarohat oladi. Juda katta mablag‘ sarflanmoqda. Endi nima bo‘lishini ko‘ramiz», — dedi Poyet.

Eslatib o‘tamiz, «Tottenxem» Mudrikni «Chelsi»dan bir mavsumga ijaraga oldi. Kelishuvda futbolchini 75 million funtga sotib olish huquqi ham ko‘zda tutilgan.