«Barselona» vingeri Lamin Yamal «Oltin to‘p» uchun kurashdagi imkoniyatlari haqida fikr bildirdi.

— Sizningcha, «Oltin to‘p»ga munosibmisiz?

«Menimcha, bu menga emas, jurnalistlarga bog‘liq. Klub va terma jamoa bilan birga juda katta ish bajardim. Agar meni taqdirlashsa, minnatdor bo‘laman. Lekin menda imkoniyat bor, deb o‘ylayman».

— Agar o‘zingizga «Oltin to‘p» berilishi uchun targ‘ibot qilmoqchi bo‘lsangiz, mana, mikrofonlar sizda.

«Yo‘q, menimcha, «Oltin to‘p» uchun kampaniya olib borishim shart emas. Sizlarni hech narsaga ishontirishim ham kerak emas. Bu yil juda yaxshi ishladim va menga ovoz berishingizni so‘rab yolvorishim shart emas».

— Usmon Dembele hatto sizni favoritlar uchligiga ham kiritmadi.

«U Kilian Mbappe bilan do‘st-ku, to‘g‘rimi?» — dedi Yamal kulib.

«Rostini aytsam, bunga qarshi emasman. Bu oddiy holat. Dembele bilan munosabatimiz juda yaxshi. U boshqa futbolchilarni tanlagani ham normal. Mening bu yil qanday o‘tkazganim bilan maqtanib yurishning hojati yo‘q», — dedi Yamal.