«Yuventus» sardori Manuel Lokatelli o‘ng tizzasidagi menisk jarohati sabab jarrohlik amaliyotini o‘tkazdi. Bu haqda Turin klubi matbuot xizmati xabar berdi.

28 yoshli yarim himoyachi Italiya chempionati 3-turidan o‘rin olgan «Milan»ga qarshi o‘yinda jarohat olgan edi. Uchrashuv 1:1 hisobida yakunlangan.

Operasiya muvaffaqiyatli o‘tgan. Sky Sport Italia ma’lumotiga ko‘ra, futbolchining tiklanishi 5–6 oy davom etishi mumkin.

Shuningdek, «Yuventus»ning 29 yoshli yarim himoyachisi Jeremi Bogada sonning ikki boshli mushagi o‘rta darajada jarohatlangani aniqlandi. Uning tiklanish muddati 45 kundan 60 kungacha bo‘lishi kutilmoqda.

A Seriyada uch turdan so‘ng «Yuventus» 7 ochko jamg‘argan va turnir jadvalida 6-o‘rinni egallab turibdi.