«Ювентус» сардори Мануэль Локателли ўнг тиззасидаги мениск жароҳати сабаб жарроҳлик амалиётини ўтказди. Бу ҳақда Турин клуби матбуот хизмати хабар берди.
28 ёшли ярим ҳимоячи Италия чемпионати 3-туридан ўрин олган «Милан»га қарши ўйинда жароҳат олган эди. Учрашув 1:1 ҳисобида якунланган.
Операция муваффақиятли ўтган. Sky Sport Italia маълумотига кўра, футболчининг тикланиши 5–6 ой давом этиши мумкин.
Шунингдек, «Ювентус»нинг 29 ёшли ярим ҳимоячиси Жереми Богада соннинг икки бошли мушаги ўрта даражада жароҳатлангани аниқланди. Унинг тикланиш муддати 45 кундан 60 кунгача бўлиши кутилмоқда.
А Серияда уч турдан сўнг «Ювентус» 7 очко жамғарган ва турнир жадвалида 6-ўринни эгаллаб турибди.
