«Manchester Siti» bosh murabbiyi Enso Mareska jamoaning muammolaridan biri haqida gapirdi.
«Portu»ga qarshi Chempionlar ligasi uchrashuvining ikkinchi bo‘limida «shaharliklar» darvozaboni Djanluidji Donnarumma omadsiz pas berdi, ammo raqiblar italiyalikning xatosidan foydalana olmadi.
«Donnarumma “Koventri”ga qarshi o‘yinda yaxshi harakat qildi, bir nechta muhim seyvlarni amalga oshirdi. Bugungi epizodga kelsak, menimcha, bu uning xatosi emas, balki to‘pni unga qaytarish haqidagi noto‘g‘ri qaror bo‘lgan. Ba’zida biz unga hech qanday zaruratsiz juda ko‘p pas beramiz. Men har doim darvozabonga pasni faqat boshqa variant bo‘lmagan taqdirdagina berish kerakligini aytaman. Boshqa holatlarda to‘pni Jijoga berishimiz shart emas. Men undan mamnunman», — dedi Mareska matbuot anjumanida.
«Manchester Siti» «Portu»ni 2:0 hisobida mag‘lub etdi. Gollarning ikkalasini ham Erling Xoland kiritdi.
