Madridning «Real» klubi futbolchisi Din Xyoysen jamoaga ayyorlik yetishmayotganini ta’kidladi.
Seshanba kuni Joze Mourinyo shogirdlari o‘z maydonida Milanning «Inter» klubini Chempionlar ligasi o‘yinida 2:1 hisobida mag‘lub etdi. Xyoysen 80-daqiqada ogohlantirildi.
«Biz ayyorroq bo‘lishimiz kerak. Mayda qoidabuzarliklar bo‘ladi, raqiblar biroz bo‘rttirib yuborgani ko‘rinib turadi — va bizga kartochka ko‘rsatiladi. Biz esa qoidabuzarlikdan keyin darhol o‘rnimizdan turamiz — natijada kartochka berilmaydi», — dedi ispaniyalik markaziy himoyachi intervyuda.
Bu muammo haqida Mourinyo ham «La Liga»ning o‘tgan turida «Betis»dan uchralgan mag‘lubiyatdan keyin gapirgan edi.
«Inter»ga qarshi uchrashuvda «Real»ga g‘alabani birinchi bo‘limda urilgan Kilian Mbappe va Federiko Valverdening gollari keltirdi.
