Мадриднинг «Реал» клуби футболчиси Дин Хёйсен жамоага айёрлик етишмаётганини таъкидлади.
Сешанба куни Жозе Моуриньо шогирдлари ўз майдонида Миланнинг «Интер» клубини Чемпионлар лигаси ўйинида 2:1 ҳисобида мағлуб этди. Хёйсен 80-дақиқада огоҳлантирилди.
«Биз айёрроқ бўлишимиз керак. Майда қоидабузарликлар бўлади, рақиблар бироз бўрттириб юборгани кўриниб туради — ва бизга карточка кўрсатилади. Биз эса қоидабузарликдан кейин дарҳол ўрнимиздан турамиз — натижада карточка берилмайди», — деди испаниялик марказий ҳимоячи интервьюда.
Бу муаммо ҳақида Моуриньо ҳам «Ла Лига»нинг ўтган турида «Бетис»дан учралган мағлубиятдан кейин гапирган эди.
«Интер»га қарши учрашувда «Реал»га ғалабани биринчи бўлимда урилган Килиан Мбаппе ва Федерико Вальверденинг голлари келтирди.
