«Barselona» vingeri Lamin Yamal ilk bor sardorlik bog‘ichini taqdi. Bu chorshanba kuni Chempionlar ligasida «Feyenoord»ga qarshi o‘tkazilgan uchrashuvda sodir bo‘ldi. Bahs «ko‘k-anorranglilar»ning 5:1 hisobidagi g‘alabasi bilan yakunlandi, ispaniyalik iqtidor egasi esa 77-daqiqada gol urdi.
Blaugranation ma’lumotiga ko‘ra, 19 yoshli Yamal «Barselona» tarixida sardorlik bog‘ichini taqqan eng yosh futbolchiga aylandi. Avvalgi rekord Boyan Krkichga tegishli edi — u 20 yoshida jamoa sardori bo‘lgan.
13 sentyabr, yakshanba kuni Xans-Diter Flik jamoasi La Liga doirasida safarda «Levante»ga qarshi o‘ynaydi.
