«Chelsi» yarim himoyachisi Valentin Barko Angliya Liga kubogida «Lids»ga qarshi o‘yindan so‘ng fikr bildirdi.
Londonliklar uchrashuvda 6:3 hisobida g‘alaba qozondi. Barko 90 daqiqa harakat qilib, bir gol urdi va bir golli uzatma amalga oshirdi.
«Men bunday o‘yinlarda maydonga tushishga tayyorman, shu bilan birga Premyer-ligada ham o‘ynashga tayyorman. Bu jismoniy jihatdan juda og‘ir chempionat, ammo har bir uchrashuvda kurashishga tayyorman. Jamoada o‘zimni qulay his qilyapman», — dedi Barko klub matbuot xizmatiga.
Argentinalik futbolchi yozda «Chelsi» safiga qo‘shilgan. U hozirga qadar jamoa tarkibida 3 ta o‘yin o‘tkazib, 1 ta gol va 1 ta assist qayd etdi.
Shu bilan birga, Barko Angliya Premyer-ligasida hozircha atigi 8 daqiqa maydonda harakat qilgan.
