«Челси» ярим ҳимоячиси Валентин Барко Англия Лига кубогида «Лидс»га қарши ўйиндан сўнг фикр билдирди.

Лондонликлар учрашувда 6:3 ҳисобида ғалаба қозонди. Барко 90 дақиқа ҳаракат қилиб, бир гол урди ва бир голли узатма амалга оширди.

«Мен бундай ўйинларда майдонга тушишга тайёрман, шу билан бирга Премьер-лигада ҳам ўйнашга тайёрман. Бу жисмоний жиҳатдан жуда оғир чемпионат, аммо ҳар бир учрашувда курашишга тайёрман. Жамоада ўзимни қулай ҳис қиляпман», — деди Барко клуб матбуот хизматига.

Аргентиналик футболчи ёзда «Челси» сафига қўшилган. У ҳозирга қадар жамоа таркибида 3 та ўйин ўтказиб, 1 та гол ва 1 та ассист қайд этди.

Шу билан бирга, Барко Англия Премьер-лигасида ҳозирча атиги 8 дақиқа майдонда ҳаракат қилган.