«Shaxtyor» himoyachisi Marlon Santos «Barselona» safida to‘p surgan davrini esladi.
«Neymar, Suares va Messi — futbol uchun o‘sha paytda ham juda muhim futbolchilar edi va hozir ham shundayligicha qolmoqda. Ular bilan birga o‘ynash men uchun katta imtiyoz bo‘lgan. Bu inson Yaratganga shukr qilishi kerak bo‘lgan voqealardan biri edi. Ular menga doim yaxshi munosabatda bo‘lishgan, ayniqsa, men kabi braziliyalik bo‘lgan Neymar.
Aynan o‘sha «Barselona»da ular bilan birga bunday tajribani boshdan kechirish aql bovar qilmas darajada ajoyib edi. Bundan tashqari, Luis Enrike qo‘l ostida ishlash imkoniyatiga ega bo‘ldim. Hozir u dunyoning eng yaxshi murabbiyi, ammo o‘sha paytdayoq uning falsafasi va futbol tili men uchun juda tushunarli edi.
Uning qo‘l ostidagi mashg‘ulotlar menga juda ko‘p narsa berdi. Chunki bunday kiyinish xonasida bo‘lish insonda butun umr saqlanib qoladigan tajriba qoldiradi.
Bilasizmi, u yerda eng muhim nimani o‘rgandim? Kamtarlikni. Qanchalik buyuk bo‘lsang, shunchalik kamtar bo‘lasan», — dedi Marlon Santos.
30 yoshli braziliyalik futbolchi 2016 yil iyuldan 2018 yil avgustgacha «Barselona» tizimida to‘p surgan va asosiy jamoa safida 3 ta o‘yin o‘tkazgan.
