Ispaniyaning «Xetafe» klubi oktyabr oyida Konferensiyalar ligasida debyut qiladi. Buning uchun jamoa Ruminiyaning Krayova shahriga safar qiladi.
Ushbu tarixiy voqea munosabati bilan klub rahbariyati o‘z muxlislarini qo‘llab-quvvatlashga qaror qildi.
«Agar sizda mavsumiy abonement bo‘lsa va «EvroXeta»ni Konferensiyalar ligasidagi debyut o‘yinida qo‘llab-quvvatlash uchun Krayovaga borishni istasangiz, biz sizga uchrashuv uchun chipta taqdim etamiz», — deya klub matbuot xizmati ma’lum qildi.
Eslatib o‘tamiz, «Xetafe» yetti yillik tanaffusdan so‘ng yevrokuboklarga qaytdi. Klubning Yevropa musobaqalaridagi eng yaxshi natijasi 2006/07 yilgi mavsumda Yevropa ligasi chorak finaliga chiqqani hisoblanadi.
