Испаниянинг «Хетафе» клуби октябрь ойида Конференциялар лигасида дебют қилади. Бунинг учун жамоа Руминиянинг Крайова шаҳрига сафар қилади.
Ушбу тарихий воқеа муносабати билан клуб раҳбарияти ўз мухлисларини қўллаб-қувватлашга қарор қилди.
«Агар сизда мавсумий абонемент бўлса ва «ЕвроХета»ни Конференциялар лигасидаги дебют ўйинида қўллаб-қувватлаш учун Крайовага боришни истасангиз, биз сизга учрашув учун чипта тақдим этамиз», — дея клуб матбуот хизмати маълум қилди.
Эслатиб ўтамиз, «Хетафе» етти йиллик танаффусдан сўнг еврокубокларга қайтди. Клубнинг Европа мусобақаларидаги энг яхши натижаси 2006/07 йилги мавсумда Европа лигаси чорак финалига чиққани ҳисобланади.
