«Napoli» Chempionlar ligasida «Arsenal»ga qarshi 0:1 hisobida yakunlangan o‘yinda jarohat olgan ikki futbolchisi — darvozabon Aleks Meret va hujumchi Alisson Santosning holati haqida ma’lumot berdi.

Meretning chap son yaqinlashtiruvchi mushagida yengil muammo aniqlangan. Alisson Santosga esa sonning orqa qismida o‘rta darajadagi jarohat tashxisi qo‘yilgan.

Har ikki futbolchining tiklanish muddati hozircha ma’lum emas.

Ayni paytda «Napoli» Skott Maktominay xizmatlaridan ham foydalana olmayapti. Yarim himoyachi yuragida o‘tkazilgan kichik muolajadan keyin tiklanish jarayonini davom ettirmoqda.

Kutilishicha, Maktominay yaqinlashib kelayotgan xalqaro tanaffusdan so‘ng safga qaytishi mumkin.