«Наполи» Чемпионлар лигасида «Арсенал»га қарши 0:1 ҳисобида якунланган ўйинда жароҳат олган икки футболчиси — дарвозабон Алекс Мерет ва ҳужумчи Алиссон Сантоснинг ҳолати ҳақида маълумот берди.
Меретнинг чап сон яқинлаштирувчи мушагида енгил муаммо аниқланган. Алиссон Сантосга эса соннинг орқа қисмида ўрта даражадаги жароҳат ташхиси қўйилган.
Ҳар икки футболчининг тикланиш муддати ҳозирча маълум эмас.
Айни пайтда «Наполи» Скотт Мактоминай хизматларидан ҳам фойдалана олмаяпти. Ярим ҳимоячи юрагида ўтказилган кичик муолажадан кейин тикланиш жараёнини давом эттирмоқда.
Кутилишича, Мактоминай яқинлашиб келаётган халқаро танаффусдан сўнг сафга қайтиши мумкин.
