Myunxenning «Bavariya» klubi bosh murabbiyi Vensan Kompani «Oltin to‘p» uchun asosiy da’vogarlar haqida fikr bildirdi.

«Men futbolchilarim muvaffaqiyat qozonishini xohlayman. Shuning uchun boshqa har qanday murabbiy kabi men ham 100 foiz xolis bo‘lmayman va sovrinni Garri Keyn yoki Maykl Olise qo‘lga kiritsa, xursand bo‘lishimni aytaman. Bu yigitlar o‘tgan mavsumda 182 ta gol urgan va ko‘plab g‘alabalarga erishgan jamoaning bir qismi bo‘lishdi», — dedi Kompani.

Biroq mutaxassis «Oltin to‘p»ni Chempionlar ligasida g‘olib chiqqan «PSJ» futbolchilaridan biri qo‘lga kiritishini ham istisno qilmadi.

Yangi mavsumda 33 yoshli Keyn barcha turnirlarda 5 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.