«Fenerbaxche» bosh murabbiyi Ismail Kartal Chempionlar ligasi umumiy bosqichining birinchi turida «Roma»ga qarshi 1:1 hisobidagi durangdan bir necha daqiqa o‘tib iste’foga chiqishini ma’lum qildi.
Kartal o‘z qarorini matbuot anjumanida e’lon qildi.
«Bugun kechqurun futbolchilarimni tabriklayman va lavozimimni tark etaman. Endi hech qachon qaytib kelmasligimni anglagan holda ketyapman. Bu ajoyib kunlar edi. Meni bugungi kungacha qo‘llab-quvvatlagan barcha muxlislar, OAV vakillari, klub xodimlari va futbolchilarga minnatdorchilik bildirmoqchiman.
Men bu qarorni klubga oldinga harakat qilish imkonini berish uchun qabul qildim. Bu qarorni butun jamoa bilan birgalikda qabul qildik», — dedi Kartal.
65 yoshli mutaxassis «Fenerbaxche»ni uch oy davomida boshqardi. Bu uning Turkiya klubidagi to‘rtinchi faoliyat davri edi.
