«Bavariya» vingeri Maykl Olise o‘zining chiroyli gollari sirini qisqacha tushuntirdi. 24 yoshli futbolchi Chempionlar Ligasida «Budyo-Glimt»ga qarshi o‘yinda (5:0) ikkita gol urdi va bitta golli uzatmani amalga oshirib, uchrashuv qahramoniga aylandi.
Uchrashuvdan keyingi intervyuda jurnalist fransiyalik futbolchining chiroyli gollariga qoyil qolib, buni qanday uddalashini so‘radi. Olise esa qisqa javob berdi.
«Bilmayman. Shunchaki tepaman — to‘p darvozaga kirib ketadi», — dedi futbolchi.
Maykl Olisening joriy mavsumdagi beshta uchrashuvda beshta goli va ikkita golli uzatmasi bor.
