«Бавария» вингери Майкл Олисе ўзининг чиройли голлари сирини қисқача тушунтирди. 24 ёшли футболчи Чемпионлар Лигасида «Будё-Глимт»га қарши ўйинда (5:0) иккита гол урди ва битта голли узатмани амалга ошириб, учрашув қаҳрамонига айланди.

Учрашувдан кейинги интервьюда журналист франциялик футболчининг чиройли голларига қойил қолиб, буни қандай уддалашини сўради. Олисе эса қисқа жавоб берди.

«Билмайман. Шунчаки тепаман — тўп дарвозага кириб кетади», — деди футболчи.

Майкл Олисенинг жорий мавсумдаги бешта учрашувда бешта голи ва иккита голли узатмаси бор.