«Komo» yarim himoyachisi Nikolas Pas Chempionlar Ligasi birinchi turida «RB Leypsig» ustidan 4:1 hisobida qozonilgan tarixiy g‘alaba haqida fikr bildirdi. Argentinalik futbolchi «Real»ning qiziqishiga qaramay, «Komo»da qolish qarorining to‘g‘ri bo‘lganini ta’kidladi.

«Bu tarixiy kecha bo‘ldi, biz ajoyib o‘yin o‘tkazdik. Shunday kechalar uchun men qolishni xohlagan edim. Aynan shu yerda eng ko‘p rivojlanishimni bilardim va qarorimdan juda mamnunman. Men to‘g‘ri tanlov qildim», — dedi Pas.

Pas Martin Baturinaning hissasini ham alohida ta’kidlab, uni «aql bovar qilmas futbolchi» deb atadi. Shuningdek, yarim himoyachi ikkinchi taymda jamoaga ko‘proq himoyalanishga to‘g‘ri kelganini tan oldi.

«Uchrashuv oxirida golli uzatmani amalga oshirish uchun energiyani qayerdan olganimni bilmayman, ammo uni ich-ichimdan topdim!» — deya qo‘shimcha qildi yarim himoyachi.