Amerikalik milliarderlar Mark Uolter va Todd Boeli Londonning “Chelsi” klubi aksiyalaridagi ulushlarini to‘liqligicha Clearlake Capital investisiya kompaniyasiga sotish bo‘yicha muzokara olib bormoqda. Bu haqda Bloomberg o‘z manbalariga tayanib xabar berdi.
Manbaga ko‘ra, tomonlar o‘rtasidagi muzokaralar so‘nggi haftalarda faollashgan. Uolter va Boeli o‘z ulushlarini sotish orqali kichik miqdorda foyda olishni ko‘zlamoqda.
Clearlake Capital va Boeli boshchiligidagi konsorsium 2022-yilda “Chelsi”ni rossiyalik tadbirkor Roman Abramovichdan taxminan 2,5 milliard funt sterlingga sotib olgandi. Hozirda Clearlake Capital “Chelsi” aksiyalarining qariyb 61,5 foiziga egalik qiladi. Kompaniya bir necha yildan beri klubdagi ulushini oshirish bo‘yicha muzokaralar olib bormoqda. Biroq tomonlar narx borasida kelisha olmagani sababli avvalgi urinishlar yakuniga yetmagan.
Bloomberg ma’lumotiga ko‘ra, AQSHda Uolter kompaniyalariga nisbatan olib borilayotgan federal tekshiruv milliarderning o‘z aktivlarini qayta tuzishiga sabab bo‘lgan. Bu esa uning sport klublaridagi ulushlari bilan bog‘liq bir qator bitimlar, jumladan, “Chelsi” bo‘yicha muzokaralarning ham faollashishiga olib kelgan.
Ma’lumot uchun, Uolter va Boeli boshchiligidagi guruh klubni sotib olganidan keyin “Chelsi” Konferensiyalar Ligasi hamda Klublar o‘rtasidagi Jahon chempionatida g‘olib chiqdi.f
