«Manchester Yunayted» va «Manchester Siti»ning sobiq futbolchisi Andrey Kanchelskis «Evro-Futbol.Ru» internet nashriga bergan intervyusida bo‘lajak Manchester derbisi haqida fikr bildirdi.

— Derbi — derbi, nima desak ham, bu o‘ziga xos o‘yin. Aslida, qiziqarli uchrashuv bo‘ladi. So‘nggi vaqtlarda «Manchester Siti» Premyer-ligada «MYU» ustidan ustunlik qilib keldi va hozir ham shunday. «Qizil iblislar»ning o‘yinini ko‘rish qiziq bo‘ladi, deb o‘ylayman.

— Siz kimga muxlislik qilasiz?

— Tabiiyki, «Manchester Yunayted»ga. Men eng yaxshi yillarimni shu klubda o‘tkazganman. Shuning uchun «Yunayted»ga muxlislik qilamiz.

— «MYU»ning imkoniyati kammi?

— Yo‘q, hozir vaziyat o‘zgardi. Chempionlar ligasidagi o‘yinlardan keyin «Manchester Yunayted» yirik g‘alaba qozonib, o‘ziga bo‘lgan ishonchni tikladi.

Ammo bu derbi, yana takrorlayman. Har ikki jamoa ham g‘alaba qozonishi mumkin. O‘yin qiziqarli kechadi, deb o‘ylayman.

Manchester derbisi 13 sentyabr kuni «Old Trafford» stadionida bo‘lib o‘tadi. Uchrashuv Toshkent vaqti bilan 20:30 da boshlanadi.