"Inter"ning sobiq direktori Pyero Auzilio faoliyatini "Tottenxem"da davom ettirishi mumkin. Bu haqda Football Italia xabar berdi.
Transfer eksperti Matteo Morettoning ma’lum qilishicha, 51 yoshli italiyalik mutaxassis London klubi bilan "ijobiy va ilgarilagan" muzokaralar olib bormoqda.
Auzilio sentyabr oyi boshida kutilmaganda "Inter"ni tark etdi. U Milan klubida turli lavozimlarda qariyb 30 yil faoliyat olib borgan.
Auzilio 2014 yil fevralidan boshlab "Inter" sport direktori lavozimida ishlab kelayotgan edi.
Uning o‘rnini Dario Bachchin egalladi. Bachchin uzoq yillar davomida "neradzurri"ning texnik bo‘limida ishlagan va klubning Seriya Cda ishtirok etadigan zaxira jamoasini tashkil etish jarayonida ham qatnashgan.
