«Barselona» bosh murabbiyi Xans-Diter Flik Ispaniya La Ligasining 5-turidan o‘rin olgan «Levante»ga qarshi bo‘lajak uchrashuv haqida fikr bildirdi va jamoasining hozirgi o‘yin darajasiga baho berdi. Uchrashuv 13 sentyabr kuni «Syudad de Valensiya» stadionida bo‘lib o‘tadi.
«Levante» «Betis»ga qarshi uchrashuvni ajoyib o‘tkazdi. «Qurbaqalar» 5:2 hisobida g‘alaba qozonishdi. Bu jamoaning yaxshi tuzilmasi bor. Ular hujumda o‘ynay olishadi, shuning uchun qiziqarli uchrashuv bo‘ladi.
Biz hozirgi darajamizdan juda mamnunmiz, ammo buni har bir o‘yinda isbotlashimiz kerakligini tushunamiz. Tarkibimiz juda sifatli, biz o‘yin yuqori intensivligi va diqqat-e’tiborni saqlab qolishga harakat qilyapmiz. Agar shu jihatlarning birortasini yo‘qotib qo‘ysak, bu yaxshi bo‘lmaydi», — deya Flikning so‘zlarini keltirmoqda Mundo Deportivo.
