«Барселона» бош мураббийи Ханс-Дитер Флик Испания Ла Лигасининг 5-туридан ўрин олган «Леванте»га қарши бўлажак учрашув ҳақида фикр билдирди ва жамоасининг ҳозирги ўйин даражасига баҳо берди. Учрашув 13 сентябрь куни «Сьюдад де Валенсия» стадионида бўлиб ўтади.

«Леванте» «Бетис»га қарши учрашувни ажойиб ўтказди. «Қурбақалар» 5:2 ҳисобида ғалаба қозонишди. Бу жамоанинг яхши тузилмаси бор. Улар ҳужумда ўйнай олишади, шунинг учун қизиқарли учрашув бўлади.

Биз ҳозирги даражамиздан жуда мамнунмиз, аммо буни ҳар бир ўйинда исботлашимиз кераклигини тушунамиз. Таркибимиз жуда сифатли, биз ўйин юқори интенсивлиги ва диққат-эътиборни сақлаб қолишга ҳаракат қиляпмиз. Агар шу жиҳатларнинг бирортасини йўқотиб қўйсак, бу яхши бўлмайди», — дея Фликнинг сўзларини келтирмоқда Mundo Deportivo.