Norvegiyalik hujumchi Erling Xoland Angliya Premyer-ligasining 4-turidan o‘rin olgan Manchester derbisida yagona golni urib, uchrashuv taqdirini hal qildi.
Ma’lum bo‘lishicha, bu Xolandning APL doirasidagi Manchester derbilarida urgan to‘qqizinchi goli bo‘ldi. Eng e’tiborlisi, u bu natijaga atigi 8 ta o‘yinda erishgan.
Shu tariqa, Xoland ushbu ko‘rsatkich bo‘yicha birinchi o‘ringa chiqib, Serxio Agueroni ortda qoldirdi. Argentinalik sobiq hujumchi Manchester derbilarida 13 ta o‘yinda 8 ta gol urgan.
Ueyn Runi ham 8 ta gol bilan keyingi o‘rinda bormoqda, biroq angliyalik futbolchi bu natijaga 21 ta derbida erishgan.
Eslatib o‘tamiz, Erling Xoland «Manchester Siti» safida 2022 yildan buyon to‘p surib kelmoqda.
