Норвегиялик ҳужумчи Эрлинг Холанд Англия Премьер-лигасининг 4-туридан ўрин олган Манчестер дербисида ягона голни уриб, учрашув тақдирини ҳал қилди.

Маълум бўлишича, бу Холанднинг АПЛ доирасидаги Манчестер дербиларида урган тўққизинчи голи бўлди. Энг эътиборлиси, у бу натижага атиги 8 та ўйинда эришган.

Шу тариқа, Холанд ушбу кўрсаткич бўйича биринчи ўринга чиқиб, Серхио Агуэрони ортда қолдирди. Аргентиналик собиқ ҳужумчи Манчестер дербиларида 13 та ўйинда 8 та гол урган.

Уэйн Руни ҳам 8 та гол билан кейинги ўринда бормоқда, бироқ англиялик футболчи бу натижага 21 та дербида эришган.

Эслатиб ўтамиз, Эрлинг Холанд «Манчестер Сити» сафида 2022 йилдан буён тўп суриб келмоқда.