«Barselona» himoyachisi Erik Garsiya La Liganing 5-turida «Levante» ustidan 4:2 hisobida qozonilgan g‘alabadan so‘ng uchrashuv haqida fikr bildirdi.

«Maydon holati bizga unchalik yoqmadi, o‘yin vaqti va issiq havo ham ta’sir qildi. Bu yerda o‘ynash juda qiyin. Ular mart oyidan buyon mag‘lub bo‘lmagan edi. Oson bo‘lmadi, lekin biz o‘zimiz ham o‘yinni ortiqcha qiyinlashtirib yubordik. Bu biz uchun saboq bo‘lishi kerak: raqibga bo‘shliq bersangiz, ular darhol bosimni kuchaytiradi», — deya Garsiyaning so‘zlarini Marca keltirdi.

«Bularning barchasi oldini olish mumkin bo‘lgan xatolar edi. Umuman olganda, yaxshi o‘yin o‘tkazdik va natijadan mamnun bo‘lishimiz mumkin. Biz to‘p bilan o‘zimizni juda erkin his qilamiz. Yarim himoya va himoyada o‘yinni yaxshi nazorat qila oladigan futbolchilarimiz bor. Hujumda esa bo‘sh hududlardan unumli foydalana oladigan va raqibga katta xavf tug‘diradigan juda kuchli ijrochilarimiz bor.

Murabbiy Espartga ishonch bildirmoqda. Biz ham uning o‘yinidan juda mamnunmiz. U ishlashda davom etishi kerak. Jamoada raqobat juda yuqori, shuning uchun hech kim xotirjamlashib qolishi mumkin emas».

«Barselona» 15 ochko bilan La Liga turnir jadvalida birinchi o‘rinni egallab turibdi.