«PSJ» bosh murabbiyi Luis Enrike Matvey Safonov haqidagi savolga javob berdi. Rossiyalik darvozabon bir kun avval «Brest»ga qarshi uchrashuvda o‘z darvozasidan gol o‘tkazmadi. Fransiya chempionati doirasidagi bahs parijliklarning 1:0 hisobidagi g‘alabasi bilan yakunlandi. Safonov bir nechta muhim seyvlarni amalga oshirdi.
Enrikening ta’kidlashicha, Safonovning o‘yini borasida hech qanday savol yo‘q. Murabbiy rossiyalik darvozabonning harakatlaridan mamnun.
«Safonov haqida nima deyishim mumkin? Men uchun bu borada hech qanday savol yo‘q: menda yuqori darajadagi uchta darvozabon bor va Matveyning qilayotgan ishlaridan juda mamnunman. Ammo men qolgan barcha futbolchilardan, hech qanday istisnosiz, ancha ko‘proq narsa kutyapman», — deya Enrikening so‘zlarini CulturePSG nashri keltirdi.
