«ПСЖ» бош мураббийи Луис Энрике Матвей Сафонов ҳақидаги саволга жавоб берди. Россиялик дарвозабон бир кун аввал «Брест»га қарши учрашувда ўз дарвозасидан гол ўтказмади. Франция чемпионати доирасидаги баҳс парижликларнинг 1:0 ҳисобидаги ғалабаси билан якунланди. Сафонов бир нечта муҳим сейвларни амалга оширди.
Энрикенинг таъкидлашича, Сафоновнинг ўйини борасида ҳеч қандай савол йўқ. Мураббий россиялик дарвозабоннинг ҳаракатларидан мамнун.
«Сафонов ҳақида нима дейишим мумкин? Мен учун бу борада ҳеч қандай савол йўқ: менда юқори даражадаги учта дарвозабон бор ва Матвейнинг қилаётган ишларидан жуда мамнунман. Аммо мен қолган барча футболчилардан, ҳеч қандай истисносиз, анча кўпроқ нарса кутяпман», — дея Энрикенинг сўзларини CulturePSG нашри келтирди.
