Rafinya yangi mavsumni juda yaxshi boshladi. Braziliyalik futbolchi markaziy hujumchi pozisiyasida o‘ynayotganiga qaramay, yuqori darajadagi natijalarni ko‘rsatmoqda. «Barselona» esa uni yangi shartnoma bilan taqdirlamoqchi.
El Nacional ma’lumotiga ko‘ra, «ko‘k-anorranglilar» Rafinyaning shartnomasini yana bir yilga — 2028/2029 yilgi mavsum oxiriga qadar uzaytirmoqchi.
Yangi shartnoma Rafinyani «Barselona»ning eng ko‘p maosh oladigan futbolchisiga aylantirishi mumkin. U Rodri bilan birga klubdagi eng yuqori maoshga ega futbolchi maqomini bo‘lishadi va Lamin Yamalni ortda qoldiradi.
Rafinyaning yangi maoshi yiliga 27 million yevroni tashkil qilishi mumkin. Hozirda braziliyalik futbolchi soliqlardan oldin yiliga 16 million yevro ishlab topmoqda.
