«Manchester Siti» vingeri Jek Grilish faoliyatini qayerda davom ettirmoqchi ekani ma’lum bo‘ldi. 31 yoshli angliyalik futbolchi joriy mavsumni «Everton»da ijara asosida o‘tkazmoqda.

Football Insider ma’lumotiga ko‘ra, Grilish kelasi yozda «Aston Villa»ning qiziqishiga qaramay, «Everton»ga doimiy ravishda o‘tishni xohlamoqda. Bu mavsumda futbolchi «irislar»ni o‘zining jamoaga kerakli ekanligiga ishontirishga harakat qiladi. Agar Grilish klub rahbariyati va murabbiylar shtabida yaxshi taassurot qoldirsa, «Everton» uni saqlab qolishga qarshi emas.

Joriy mavsumda Grilish Premyer-ligada «Everton» safida ikkita o‘yinda maydonga tushdi, ammo samarali harakatlari bilan ajralib turmadi.

Shuni ta’kidlash joizki, futbolchining «Manchester Siti» bilan shartnomasi kelasi yozda tugaydi. Shu sababli u erkin agentga aylanishi mumkin.