«Манчестер Сити» вингери Жек Грилиш фаолиятини қаерда давом эттирмоқчи экани маълум бўлди. 31 ёшли англиялик футболчи жорий мавсумни «Эвертон»да ижара асосида ўтказмоқда.

Football Insider маълумотига кўра, Грилиш келаси ёзда «Астон Вилла»нинг қизиқишига қарамай, «Эвертон»га доимий равишда ўтишни хоҳламоқда. Бу мавсумда футболчи «ирислар»ни ўзининг жамоага керакли эканлигига ишонтиришга ҳаракат қилади. Агар Грилиш клуб раҳбарияти ва мураббийлар штабида яхши таассурот қолдирса, «Эвертон» уни сақлаб қолишга қарши эмас.

Жорий мавсумда Грилиш Премьер-лигада «Эвертон» сафида иккита ўйинда майдонга тушди, аммо самарали ҳаракатлари билан ажралиб турмади.

Шуни таъкидлаш жоизки, футболчининг «Манчестер Сити» билан шартномаси келаси ёзда тугайди. Шу сабабли у эркин агентга айланиши мумкин.