«Monako» juma kuni Liga 1 doirasida «Lans»ga qarshi o‘yin oldidan Ansu Fati va Folarin Balogunni safga qaytarishi mumkin. Bu haqda L’Équipe xabar berdi.

«Monako» o‘tgan hafta oxirida «Strasbur»ga qarshi durang bilan yakunlangan uchrashuvda ikki futbolchisidan jarohat sabab ayrildi.

Filipe Luis o‘yin boshidayoq to‘pig‘idan jarohat olgan Anis Subeyrni almashtirishga majbur bo‘ldi. Klub akademiyasi tarbiyalanuvchisi taxminan uch hafta maydonga tusholmasligi kutilmoqda.

Stanis Idumbo ham mazkur uchrashuvdan jarohat bilan chiqdi. Unda bel-yonbosh sohasidagi mushak bilan bog‘liq muammo aniqlangan va shu sabab «Lans»ga qarshi bahsda ishtirok etishi shubha ostida.

Shu bilan birga, «Monako» uchun ijobiy yangiliklar ham bor. Ansu Fati va Folarin Balogun yaqin o‘yinda maydonga qaytishi mumkin. Har ikki futbolchi ham joriy mavsumda hali klub safida o‘ynamagan.

Fati mavsumoldi tayyorgarlik vaqtida olgan jarohatidan beri maydonga tushmayapti. Balogun esa tizzasidagi yengil muammoga qaramay jahon chempionatida qatnashganidan so‘ng jismoniy holatini tiklash ustida ishlamoqda.

Filipe Luis avvalroq AQSH terma jamoasi hujumchisi xalqaro tanaffusdan keyingina tayyor bo‘lishi mumkinligini aytgan edi. Biroq tiklanish jarayoni kutilganidan tezroq kechsa, Balogun maydonga ertaroq qaytishi mumkin.