La Liga prezidenti Xavyer Tebas Madridning «Real» klubi telekanali tomonidan hakamlarga bildirilayotgan tanqidlar haqida fikr bildirdi.
«Ularning o‘zlarini jabrdiyda qilib ko‘rsatishi o‘rinsiz. Ular nafaqat o‘zlari ishtirok etgan voqealardan, balki boshqa jamoalar bilan sodir bo‘layotgan holatlardan ham norozilik bildirishmoqda. Ular nohaq.
Ularda hamma narsada boshqalar aybdor, o‘zlari esa hech qachon aybdor emas. «Real»ning nega ochkolari kamroq ekanini bilaman, ammo buni aytmayman... «Real» bunday shikoyatlarsiz ham chempion bo‘lishi mumkin», — dedi Tebas. Uning so‘zlarini AS nashri keltirdi.
La Liganing olti turidan keyin «Real» 15 ochko bilan 2-o‘rinda bormoqda. Chempionatni xuddi shuncha ochkoga ega «Barselona» boshqarib turibdi, ammo kataloniyaliklarning bitta zaxiradagi uchrashuvi bor.
