Ла Лига президенти Хавьер Тебас Мадриднинг «Реал» клуби телеканали томонидан ҳакамларга билдирилаётган танқидлар ҳақида фикр билдирди.

«Уларнинг ўзларини жабрдийда қилиб кўрсатиши ўринсиз. Улар нафақат ўзлари иштирок этган воқеалардан, балки бошқа жамоалар билан содир бўлаётган ҳолатлардан ҳам норозилик билдиришмоқда. Улар ноҳақ.

Уларда ҳамма нарсада бошқалар айбдор, ўзлари эса ҳеч қачон айбдор эмас. «Реал»нинг нега очколари камроқ эканини биламан, аммо буни айтмайман... «Реал» бундай шикоятларсиз ҳам чемпион бўлиши мумкин», — деди Тебас. Унинг сўзларини AS нашри келтирди.

Ла Лиганинг олти туридан кейин «Реал» 15 очко билан 2-ўринда бормоқда. Чемпионатни худди шунча очкога эга «Барселона» бошқариб турибди, аммо каталонияликларнинг битта захирадаги учрашуви бор.