«Barselona» bosh murabbiyi Xans-Diter Flik jamoa himoyachisi Alexandro Baldening vaziyati haqida gapirdi.
«Balde bilan bog‘liq vaziyat? Hozir bizda beshta qanot himoyachisi bor: ikkitasi o‘ng qanotda, uchtasi chap qanotda. Hech kim Xavi Espart bunday darajada o‘ynaydi deb kutmagandi. Balde o‘zining eng yaxshi jihatlarini ko‘rsatishi kerak. U buni mashg‘ulotlarda allaqachon namoyish qilmoqda.
U baxtli emas, chunki o‘ynashni xohlaydi va yetarlicha daqiqa olmayapti. U so‘nggi ikki yilda jamoaning asosiy futbolchilaridan biri bo‘ldi. Hamma narsa o‘zgarmoqda. Boshqa dinamika paydo bo‘ldi, biz buni nazorat qilishimiz kerak. U yaxshi holatda, men undan mamnunman. Bu oson vaziyat emas, bu pozisiya uchun kurash», — dedi Flik.
Joriy mavsumda Alexandro Balde hali «Barselona» safida birorta ham o‘yinda maydonga tushmadi. Uning kataloniyaliklar bilan shartnomasi 2028 yil yoziga qadar amal qiladi.
