«Барселона» бош мураббийи Ханс-Дитер Флик жамоа ҳимоячиси Алехандро Бальденинг вазияти ҳақида гапирди.

«Бальде билан боғлиқ вазият? Ҳозир бизда бешта қанот ҳимоячиси бор: иккитаси ўнг қанотда, учтаси чап қанотда. Ҳеч ким Хави Эспарт бундай даражада ўйнайди деб кутмаганди. Бальде ўзининг энг яхши жиҳатларини кўрсатиши керак. У буни машғулотларда аллақачон намойиш қилмоқда.

У бахтли эмас, чунки ўйнашни хоҳлайди ва етарлича дақиқа олмаяпти. У сўнгги икки йилда жамоанинг асосий футболчиларидан бири бўлди. Ҳамма нарса ўзгармоқда. Бошқа динамика пайдо бўлди, биз буни назорат қилишимиз керак. У яхши ҳолатда, мен ундан мамнунман. Бу осон вазият эмас, бу позиция учун кураш», — деди Флик.

Жорий мавсумда Алехандро Бальде ҳали «Барселона» сафида бирорта ҳам ўйинда майдонга тушмади. Унинг каталонияликлар билан шартномаси 2028 йил ёзига қадар амал қилади.