"Brayton" bosh murabbiyi Fabian Xyurseler Angliya Liga kubogida "Manchester Yunayted" ustidan 3:2 hisobida qozonilgan g‘alabadan so‘ng fikr bildirdi.
"Menimcha, o‘yinni juda yaxshi boshladik. Ikkita keraksiz gol o‘tkazib yubordik, ammo shunga qaramay o‘z rejamizdan chetga chiqmadik. Bu eng ijobiy jihatlardan biri bo‘ldi.
Albatta, 0:2 hisobida ortda qolayotganda ikki yo‘ldan birini tanlash mumkin: yo o‘yin tugadi, deb hisoblab, rejadan voz kechish, yoki ishonishda davom etish. Jamoadoshlarga ham, o‘zingga ham ishonish kerak.
O‘yin davom etgan sari harakatlarimiz yaxshilandi va menimcha, g‘alabaga munosib edik.
O‘yinni juda yomon boshladik, deb o‘ylamayman. Albatta, gollar o‘tkazib yubordik va bu uchrashuv ssenariysini o‘zgartirdi. Ammo umumiy hisobda tuzilmamiz to‘g‘ri edi va maydondagi o‘zaro harakatlarimiz ham yaxshi chiqdi.
Dastlabki daqiqalardagi asosiy muammo kuchli hayajon bo‘ldi. Shu sabab ko‘p texnik xatolarga yo‘l qo‘ydik. Keyin esa futbolchilar o‘yinga moslashib, o‘z ritmini topdi.
Yakunda uchrashuvni to‘liq nazorat qildik va yana bir nechta gol urish uchun yetarlicha imkoniyat yaratdik", — dedi Xyurseler.
