«Real»ning braziliyalik hujumchisi Vinisius Junior «Atletiko»ga qarshi bo‘lajak derbida maydonga tushish-tushmasligi ma’lum bo‘ldi.

Diario AS nashri ma’lumotiga ko‘ra, «qaymoqranglilar» bosh murabbiyi Joze Mourinyo oxirgi mish-mishlarga qaramay, Vinisiusni zaxira o‘rindig‘ida qoldirmoqchi emas. Portugaliyalik mutaxassis vingerni qo‘llab-quvvatlashni va o‘tmishdagi xatolarni takrorlamaslikni xohlaydi.

Manbaning ta’kidlashicha, Vinisius unchalik yaxshi sport formasida bo‘lmasa-da, maydonga ilk daqiqalardan tushadi. Biroq Yan Diomandening taassurotli o‘yini yaqin kelajakda Vinisiusning asosiy tarkibdagi o‘rnini haqiqatan ham xavf ostiga qo‘ymoqda.

«Atletiko» va «Real» o‘rtasidagi uchrashuv 20 sentyabr kuni bo‘lib o‘tadi. La Liganing yettinchi tur matchi Toshkent vaqti bilan soat 19:15 da boshlanishi rejalashtirilgan.