«Реал»нинг бразилиялик ҳужумчиси Винисиус Жуниор «Атлетико»га қарши бўлажак дербида майдонга тушиш-тушмаслиги маълум бўлди.
Diario AS нашри маълумотига кўра, «қаймоқранглилар» бош мураббийи Жозе Моуриньо охирги миш-мишларга қарамай, Винисиусни захира ўриндиғида қолдирмоқчи эмас. Португалиялик мутахассис вингерни қўллаб-қувватлашни ва ўтмишдаги хатоларни такрорламасликни хоҳлайди.
Манбанинг таъкидлашича, Винисиус унчалик яхши спорт формасида бўлмаса-да, майдонга илк дақиқалардан тушади. Бироқ Ян Диоманденинг таассуротли ўйини яқин келажакда Винисиуснинг асосий таркибдаги ўрнини ҳақиқатан ҳам хавф остига қўймоқда.
«Атлетико» ва «Реал» ўртасидаги учрашув 20 сентябрь куни бўлиб ўтади. Ла Лиганинг еттинчи тур матчи Тошкент вақти билан соат 19:15 да бошланиши режалаштирилган.
