«Real» yarim himoyachilari Orelyen Tchuameni va Federiko Valverde o‘tgan mavsumdagi jiddiy mojarodan so‘ng o‘zaro munosabatlarini tiklagan.

Avvalroq futbolchilar o‘rtasida kiyinish xonasida janjal chiqqan va xabarlarga ko‘ra, Tchuameni Valverdega jismoniy kuch ishlatgan. Natijada urugvaylik futbolchi jarohat olgan edi.

Biroq endilikda bu mojaro o‘tmishda qolgan. «Elche» ustidan qozonilgan g‘alabadan keyin ikki futbolchining munosabatlari yaxshilangani yaqqol ko‘rindi.

Final hushtagidan so‘ng Tchuameni va Valverde avval bir-birining qo‘lini siqib tabrikladi, keyin esa quchoqlashdi.

Xabarlarga ko‘ra, Joze Mourinyuning «Real»ga kelishi ham jamoa ichidagi muhitga ijobiy ta’sir ko‘rsatgan. Portugaliyalik mutaxassis ish boshlagan ilk kunlaridanoq tarkibdagi birdamlik va sog‘lom muhitni ustuvor vazifalardan biri sifatida belgilagan.