«Реал» ярим ҳимоячилари Орельен Тчуамени ва Федерико Вальверде ўтган мавсумдаги жиддий можародан сўнг ўзаро муносабатларини тиклаган.
Аввалроқ футболчилар ўртасида кийиниш хонасида жанжал чиққан ва хабарларга кўра, Тчуамени Вальвердега жисмоний куч ишлатган. Натижада уругвайлик футболчи жароҳат олган эди.
Бироқ эндиликда бу можаро ўтмишда қолган. «Эльче» устидан қозонилган ғалабадан кейин икки футболчининг муносабатлари яхшилангани яққол кўринди.
Финал ҳуштагидан сўнг Тчуамени ва Вальверде аввал бир-бирининг қўлини сиқиб табриклади, кейин эса қучоқлашди.
Хабарларга кўра, Жозе Моуриньюнинг «Реал»га келиши ҳам жамоа ичидаги муҳитга ижобий таъсир кўрсатган. Португалиялик мутахассис иш бошлаган илк кунлариданоқ таркибдаги бирдамлик ва соғлом муҳитни устувор вазифалардан бири сифатида белгилаган.
