O‘zbekiston Superligasining 22-turidan o‘rin olgan bahsda “Navbahor” hamda “Dinamo” jamoalari o‘zaro bahs olib bordi.
Namanganda kechgan uchrashuv haqiqiy gollar shousiga aylanib ketdi. Dastlabki 45 daqiqaning o‘zidayoq darvozalarga 5 ta to‘p kiritildi.
O‘yin mehmonlarning tezkor goli bilan boshlandi: 7-daqiqadayoq Azizbek Amonov hisobni ochib, samarqandliklarni oldinga olib chiqdi — 0:1. Mezbonlar bu golga 22-daqiqada Shohruhbek Abdurahmonovning aniq zarbasi evaziga javob qaytarib, muvozanatni tikladi — 1:1. Biroq oradan bor-yo‘g‘i to‘rt daqiqa o‘tib, 26-daqiqada Jaloliddin Jumaboyev “Dinamo”ni yana oldinga olib chiqdi — 1:2.
Shundan so‘ng namanganliklar o‘yin yakuniga qadar ikkita gol urishni uddaladi. 39-daqiqada Georgi Jgerenaia hisobni tenglashtirgan bo‘lsa (2:2), 41-daqiqada Shohruhbek Abdurahmonov uchrashuvdagi dublini rasmiylashtirib, “Navbahor”ning uchinchi to‘pini kiritdi — 3:2.
Ikkinchi bo‘lim ham keskin kurashlar ostida o‘tdi. Har ikki jamoa ham gol urish uchun bir qancha vaziyat yaratdi, biroq hisob boshqa o‘zgarmadi va namanganliklar o‘z hisobiga muhim 3 ochkoni yozdirib qo‘ydi.
O‘zbekiston Superligasi, 22-tur
“Navbahor” — “Dinamo” 3:2
Gollar: 0:1 — Amonov (7), 1:1 — Abdurahmonov (22), 1:2 — Jumaboyev (26), 2:2 — Jgerenaia (39), 3:2 — Abdurahmonov (41).
“Navbahor”: O‘tkir Yusupov, Islom Mamatkazin, Shohruh Abdurahmonov, Ruslan Jiyanov (Aleks Fernandes, 69), Diyor Xolmatov, Benjamin Teydi (Asadbek Rahimjonov, 69), Umar Adhamzoda (Dilshodjon Komilov, 90+3), Vanya Ilich (Husayn Norchayev, 69), Jasurbek Jaloliddinov (Saidazamat Mirsaidov, 90+5), Georgi Jgerenaia, Muhammadqodir Hamraliyev.
“Dinamo”: Edem Nemanov, Artyom Radayev, Mixail Shtefan, Nurillo To‘xtasinov, Aziz Amonov (Abdug‘afur Haydarov, 60), Amadu Dumbuya, Raul Jeparov (Rasul Yo‘ldoshov, 46), Jaloliddin Jumaboyev, Akbar Xudayberdiyev (Tigran Avanesyan, 60), Marko Stanoyevich (Ulug‘bek Abdullayev, 78), Behruzbek Oblaqulov (Jahongirbek Abdusalomov, 46).
Ogohlantirishlar: Jgerenaia (18), To‘xtasinov (19), Jumaboyev (26), Yusupov (44), Radayev (45+7), Hamraliyev (88).
