"Milan" bosh murabbiyi Ruben Amorim Yevropa ligasida "Benfika"dan uchralgan mag‘lubiyatdan keyin ham iste’foga chiqarilish xavfi ostida emas. Bu haqda Football Italia xabar bermoqda.
"Milan" mavsumni "Torino" va "Venesiya" ustidan qozonilgan g‘alabalar bilan boshladi. Biroq keyingi natijalardan so‘ng Amorimning ishi va klub loyihasining rivojlanish yo‘nalishi bo‘yicha savollar paydo bo‘ldi.
Qayd etilishicha, jamoa o‘yinning asosiy jihatlarida muammolarga duch kelmoqda. "Milan" himoyada ishonchli harakat qila olmayapti, hujumda esa yetarlicha samaradorlik ko‘rsatayotgani yo‘q.
Shuningdek, muxlislar Amorimning uchrashuvlar uchun futbolchilar tanlovi va asosiy tarkibni tez-tez o‘zgartirib turishidan norozi ekani aytilmoqda.
Klub egasi Jerri Kardinale va Amorim so‘nggi natijalar hamda jamoaning keyingi rivojlanish yo‘nalishini muhokama qilishi kutilmoqda.
La Gazzetta dello Sport ma’lumotiga ko‘ra, mavsumdagi dastlabki beshta o‘yindan keyin portugaliyalik mutaxassisni iste’foga chiqarish rejalashtirilmagan. "Milan" rahbariyati hali ham Amorimni klubning uzoq muddatli loyihasi uchun munosib murabbiy deb hisoblamoqda.
