«Brentford» himoyachisi Yannik Shuster Angliya chempionatining 5-turida «Chelsi» ustidan qozonilgan 3:0 hisobidagi g‘alabaga izoh berdi. U golli uzatma amalga oshirdi va uchrashuvning eng yaxshi futbolchisi deb topildi.
«Menimcha, ikkinchi bo‘lim boshlanishi bilan «Brentford» ancha to‘g‘ridan-to‘g‘ri o‘ynay boshladi va shundan keyin gol urdik. Men juda xursandman.
O‘yinning eng yaxshi futbolchisi bo‘lganimmi? Shaxsiy o‘yinim meni qiziqtirmaydi. Men faqat jamoaga yordam berishni, darvozamiz daxlsizligini saqlashni va uch ochko qo‘lga kiritishni xohlayman. Umid qilamanki, hali ko‘p o‘yin amaliyotiga ega bo‘laman», — deya Shusterning so‘zlarini BBC keltirdi.
Shuningdek, u jamoasining birinchi golida qanday qilib golli uzatma amalga oshirganini ham tushuntirdi.
«Menga doimo standart vaziyatlarda yaxshi qobiliyatim borligini aytishadi, ammo hozirgacha bu unchalik katta natija bermagandi. Umid qilamanki, keyingi safar o‘zim ham gol ura olaman», — deya qo‘shimcha qildi Shuster.
